ئەمیر ڕەیسیان پارێزەری “توماج ساڵحی” لە هەڵوەشانەوەی حوکمی لەسێدارەدانی ئەم گۆرانیبێژەی ڕاپی ناڕەزا لەلایەن دیوانی باڵای وڵات ڕایگەیاند.
بەپێی ڕاپۆرتی کۆڵبەرنیوز، ئەمیر ڕەیسیان پارێزەری “توماج ساڵحی” بۆ ڕاگەیاندنی هەڵوەشانەوەی حوکمی لەسێدارەدانی ئەم گۆرانیبێژەی ڕاپی ناڕەزا ڕایگەیاند کە بەپێی حوکمی تێهەڵچوونەوەی لقی ٣٩ی دیوانی باڵای وڵات، بەڵگەنامەی ناوبراو بۆ پێداچوونەوەی دووبارە بۆ لقی ناوبراو نێردراوە.
ڕۆژی چوارشەممە ٤ی گوڵانی ١٤٠٣، لقی یەکی دادگای شۆڕشی ئیسلامی لە ئەسفەهان، بۆ “توماج ساڵحی” هونەرمەندی زیندانی، حوکمی لەسێدارەدانی دەرکردبوو. ڕەیسیان، پارێزەری “توماج ساڵحی” ئەم حوکمەی بە ناڕەزایی یاسایی ناوبرد و ڕایگەیاندبوو کە دەیەوێت ناڕەزایەتی دەرببڕێت.
