جەواد عەزیزی، هاووڵاتی خانەنشینی کرماشان کە چالاکوانی مافی خانەنشینانە، لەلایەن هێزە ئەمنیەکانی کرماشان دەستبەسەرکرا و بۆ گرتوخانەی ئیدارەی ئیتلاعات گوازرایەوە.
بەپێی ڕاپۆرتی کۆڵبەرنیوز بە وەرگرتنی لە شۆرای هاوکاری ڕێکخراوانی سنفی فەرهەنگیانی ئێران، یەکشەمە ١٨ی خەرمانانی ١٤٠٣ جەواد عەزیزی، هاووڵاتی خانەنشینی کرماشان کە چالاکوانی مافی خانەنشینانە، لەلایەن هێزە ئەمنیەکانی کرماشان دەستبەسەرکرا و بۆ گرتوخانەی ئیدارەی ئیتلاعات گوازرایەوە. بەپێی ئەم ڕاپۆرتە دەستبەسەری ناوبراو لەلایەن هێزە ئەمنیەکان لە ماڵەکەیدا ئەنجامدراوە. هاوکات لەگەڵ دەستبەسەری ناوبراو، هێزەکان تەلەفونی ناوبراویان بردووە.
تا کاتی نووسینی ئەم ڕاپۆرتە لە هۆکارەکانی دەستبەسەری و تۆمەتەکانی دژی ناوبراو زانیاریەک لەبەردەستدا نییە.
