ماردین باقری، ١٨ ساڵان خەڵکی گوندی سەرنجیانە لە شاری دێولان، شەوی ڕابردوو لەلایەن هێزە ئەمنیەکانەوە دەستبەسەرکرا.
بەپێی ڕاپۆرتی کۆڵبەرنیوز سێشەمە ١٣ی خەرمانانی ١٤٠٣ ماردین باقری، لە کاتی وەرگرتنی بەنزین لە بەنزینخانەیەکی شاری دێولان لەلایەن ٢ ترۆمبێلی ئیتلاعاتی کە شوێنەکانیان گەمارۆدابوو دەستبەسەرکرا. شایەتحاڵان گوتیان کە هێزە ئەمنیەکان بەبێ بڕیاری دادگا، ناوبراویان دەستبەسەرکرد. تا ئێستا زانیاریەک لە هۆکاری دەستبەسەری و شوێنی مانەوەی ناوبراو لەبەردەستدا نییە.
