ڕۆژی شەممە ١٩ جۆزەردانی ١٤٠٣ هاووڵاتییەکی خەڵکی شاری مەریوان بە ناوی “حەیدەر فەتاحی” لەلایەن هێزە مەدەنییەکانەوە لە ماڵەکەیدا دەستبەسەرکرا و بۆ ئیدارەی ئیتلاعاتی شاری مەریوان گواسترایەوە.
بەپێی ڕاپۆرتی کۆڵبەرنیوز ڕۆژی شەممە ١٩ی جۆزەردانی ١٤٠٣، هێزە مەدەنییەکانی ئیدارەی ئیتلاعاتی مەریوان هەڵیانکوتایە سەر ماڵەکەی “حەیدەر فەتاحی” خەڵکی شاری مەریوان لە “سەرا نەی” و پاش پشکنینی ماڵەکەی ناوبراویان دەستبەسەرکرد و ڕفاندیان.
هێزەکانی ئیدارەی ئیتلاعاتی شاری مەریوان پاش دەستبەسەرکرانی ئەم هاووڵاتییە بۆ زیندانی ئیتلاعاتی ئەم شارە گواسترایەوە.
سەرچاوەیەکی ئاگادار لەم بابەتە بە کۆڵبەرنیوزی ڕاگەیاند کە ناوبراو بە تۆمەتی “هاوکاری لەگەڵ یەکێک لە حیزبە کوردییەکانی دژی ڕژیم” تۆمەتبار کراوە.
هەروەها ئەم سەرچاوەیە لە مانگرتن لە خواردنی ئەم هاووڵاتییە لە ماوەی دەستبەسەرکرانی تا ئێستا و ناجێگیری باری تەندروستی ناوبراو ڕاگەیاندووە.
