ئەمیر سەیدی هاووڵاتییەکی خەڵکی شاری مەهاباد بۆ لێپرسینەوە بۆ گرتووخانەی ئەمنی لە شاری ورمێ گوازرایەوە. ماوەیەک لەمەوبەر لە شاری مەهاباد لەلایەن هێزە ئەمنییەکانەوە دەستبەسەر کرا.
بەپێی ڕاپۆرتی کۆڵبەرنیوز، ئەمیر سەیدی هاووڵاتییەکی خەڵکی شاری مەهاباد بۆ لێپرسینەوە بۆ گرتووخانەی ئەمنی لە شاری ورمێ گواسترایەوە. ماوەیەک لەمەوبەر لە شاری مەهاباد لەلایەن هێزە ئەمنییەکانەوە دەستبەسەر کرا. بەپێی ئەم ڕاپۆرتە، ڕۆژی دووشەممە، ٦ی خەرمانانی ١٤٠٢، ئەمیر سەیدی لە پەیوەندییەکی تەلەفۆنیدا بۆ بنەماڵەکەی ڕایگەیاند کە گوازراوەتەوە بۆ یەکێک گرتووخانە ئەمنییەکانی شاری ورمێ.
ڕۆژی دووشەممە ڕێکەوتی ٣٠ی گەلاوێژی ١٤٠٢، ئەمیر سەیدی هاووڵاتیی شاری مەهاباد لەلایەن هێزە ئەمنییەکانی ئەم شارە دەستبەسەر و بۆ شوێنێکی نادیار ڕاگوێزرا. بەپێی سەرچاوە ئاگادارەکان، دەستگیرکردنی ئەم هاوڵاتییە لە شوێنی کارەکەی بەبێ بڕیاری دادگا ئەنجامدراوە. ئەمیر سەیدی خاوەنی قاوەخانەیەک لە باخی مکائیل لە شاری مەهابادە و دەوترێت بەهۆی چالاکییەکانی لە فەزای مەجازی دا دەستبەسەر کراوە.
تا ئامادەکردنی ئەم ڕاپۆرتە هیچ زانیارییەک لەسەر ئەو تۆمەتەی کە ئاراستەی ئەم هاوڵاتیە کراوە نییە.
