هاوڵاتیەکی ٦٠ ساڵە لەلایەن هێزەکانی ئەمنی شاری ورمێ دەستبەسەر و بۆ شوێنی نادیار گوازرایەوە.
بەپێی ڕاپۆرتی کۆڵبەرنیوز، بەیانی ئەمڕۆ چوارشەمە ٢ جۆزەردانی ١٤٠٣، هێزەکانی ئەمنی ورمێ بە ژمارەیەکی زۆر ئۆتۆمبێلی ئەمنی بۆ گوندی «عەبدی بەگ» سەربە ناوچەی سۆمابرادۆستی ئەم شارە هێرشیان کرد و دەستیان بە لێکۆڵینەوە، شکاندنی دەرگای ماڵان، تێکدان و دەستبەسەرداگرتنی موڵکی بەشێک لە هاوڵاتیانی ئەم گوندە کرد.
ئەوان هاوڵاتییەکی ٦٠ ساڵە بە ناسنامەی «سەید زاهید موسەوی»، کوڕی سەید ئیبراهیم و خەڵکی گوندی عەبدی بەگ دەستبەسەر و بۆ شوێنی نادیار گوازرایەوە.
تا کاتی نووسینی ئەم ڕاپۆرتە، لە هۆکاری دەستبەسەری و تۆمەتەکانی دژی ئەم هاوڵاتیە زانیاری بەردەست نییە.
