موحسین ئاجی، هاووڵاتی دانیشتووی پیرانشار پاش بانگهێشت کرانی بۆ ئیتلاعاتی سوپا، دەستبەسەر و بۆ گرتووخانەی ئەم ناوەندە ئەمنیەتیە لە نەغەدە گوازرایەوە.
بەپێی ڕاپۆرتی کۆڵبەرنیوز، ڕۆژی یەکشەمە ٢١ی گەلاوێژی ١٤٠٣، موحسین ئاجی، هاووڵاتی ٢٧ ساڵ تەمەنی خەڵکی گوندی کانی بداغ و دانیشتووی پیرانشار لەلایەن هێزە ئەمنیەکانەوە دەستبەسەرکرا. بەپێی ئەم ڕاپۆرتە، موحسین ئاجی، پاش بانگهێشت کرانی بۆ ئیتلاعاتی سوپا، دەستبەسەر و بۆ گرتووخانەی ئەم ناوەندە ئەمنیەتیە لە نەغەدە گوازرایەوە. موحسین ئاجی، خێزاندار و خاوەنی ٢ منداڵە.
تا کاتی نووسینی ئەم ڕاپۆرتە لە هۆکارەکانی دەستبەسەرکران و تۆمەتەکانی دژی ئەم هاووڵاتییە زانیاریەک لە بەردەستدا نییە.
