ڕەزا ئەحمەدپوور، هاوڵاتیەکی دانیشتووی بانە ٣ ڕۆژە لەلایەن هێزە ئەمنیەکانەوە دەستگیرکراوە و تا ئێستا هیچ زانیاریەک لە شوێنی مانەوەی ناوبراو لەبەردەستدا نییە.
بەپێی ڕاپۆرتی کۆڵبەرنیوز ڕەزا ئەحمەدپوور، هاوڵاتیەکی دانیشتووی شاری بانە ڕۆژی سێشەمە ٢٢ی خەزەڵوەری ١٤٠٣ لەلایەن هێزە ئەمنیەکانی بانەوە دەستگیرکرا و تا ئێستا هیچ زانیاریەک لە شوێنی مانەوەی ئەم هاوڵاتیە لەبەردەستدا نییە. ئەم بڕیارە نیگەرانی خێزان و کەسوکارەکەی زیاتر کردووە.
ڕەزا ئەحمەدپوور، لە کاتی دەستگیرکردنیەوە تا ئێستا لە هەبوونی پارێزەر و بینینی خێزانەکەی بێبەش بووە. تا کاتی نووسینی ئەم ڕاپۆرتە هیچ زانیاریەک لە هۆکارەکانی دەستگیرکردن و تۆمەتەکانی دژی ئەم هاوڵاتیە لەبەردەستدا نییە. ڕەزا ئەحمەدپوور، کوڕی ساڵح، خێزاندار و باوکی ٢ منداڵە و هاوڵاتیەکی دانیشتووی بانەیە.
