عەبدوڵا شەریف زادە، هاووڵاتی شاری سەقز لەلایەن لقی ١ی دادگای ئینقلابی ئەم شارەوە بە ١٠ مانگ بەندکردن مەحکووم کرا.
بەپێی ڕاپۆرتی کۆڵبەرنیوز، عەبدوڵا شەریف زادە، لەم دواییەدا لەلایەن لقی ١ی دادگای ئینقلابی سەقز بە سەرۆکایەتی دادوەر جەواد مستەفایی بە تۆمەتی “چالاکی دژی ڕژیم بۆ بەرژەوەندی یەکێک لە حیزبە ئۆپۆزیسیۆنەکان” بە ١٠ مانگ بەندکردن مەحکووم کرا.
دانیشتنی دادگایی بۆ تۆمەتەکانی ئەم هاووڵاتیە لە ٢٢ی ڕەشەمەی ١٤٠٢ لە دادگای ئینقلابی سەقز بەڕێوەچوو. ناوبراو لە زستانی ١٤٠٢ دەستبەسەر و بە کەفالەت ئازاد کرابوو.
عەبدوڵا شەریف زادە، شاخەوانی خەڵکی شاری سەقز پێشتریش مێژووی دەستبەسەرکردن و مامەڵەی یاسایی هەبووە.
