کوروش فەتحی، هاوڵاتی شاری بۆکان بۆ ئیدارەی ئەماکنی هێزە ئەمنییەکانی ئەم شارە بانگهێشت و لێپرسینەوەی لێکراوە.
بەپێی ڕاپۆرتی کۆڵبەرنیوز، ڕۆژی هەینی ٧ی خاکەلێوەی ١٤٠٤، کوروش فەتحی، هونەرمەندی شاری بۆکان بەهۆی بەشداری لە ڕێوڕەسمەکانی نەورۆزی گوندی «کانی ڕەش» سەربە شاری بۆکان، بۆ ئیدارەی ئەماکنی هێزە ئەمنییەکانی ئەم شارە بانگهێشت و لێپرسینەوەی لێکراوە. بەپێی ئەم ڕاپۆرتە هێزە ئەمنییەکان دۆسیەی دادوەرییان دژی ئەم هاوڵاتییە کردۆتەوە و ڕەوانەی دادگایان کردووە.
تا کاتی نووسینی ئەم ڕاپۆرتە، لە تۆمەتەکانی دژی ئەم هاوڵاتییە زانیارییەک لەبەردەستدا نییە.
