“ئەحمەد مامزادە”، بە دانانی بارمتەی کاتی ٣ ملیار تمەن تا کۆتایی لێکۆڵینەوە لە زیندانی شاری ورمێ ئازاد کرا.
بەپێی ڕاپۆرتی کۆڵبەرنیوز سێشەممە ٦ی خەرمانانی ١٤٠٣، ئەحمەد مامزادە هاووڵاتی شاری بۆکان بەدانانی بارمتەی کاتی ٣ ملیار تمەن تا کۆتایی لێکۆڵینەوە لە زیندانی ورمێ ئازاد کرا.
ئەحمەد مامزادە، لە ٢٦ی خاکەلێوەی ١٤٠٢، لەلایەن هێزە ئەمنیەکانی شاری بۆکان دەستبەسەر و بۆ لێکۆڵینەوە بۆ گرتوخانەی ئیدارەی ئیتلاعاتی ورمێ گواسترابۆوە. ناوبراو پاش کۆتایی لێکۆڵینەوە بۆ گرتوخانەی ورمێ گواسترابوویەوە.
تا کاتی نووسینی ئەم ڕاپۆرتە لە هۆکارەکانی دەستبەسەرکردن و تۆمەتەکانی دژی ناوبراو زانیارییەک لەبەردەستدا نییە.
