ڕاشد ئەدوایی، هاووڵاتی گوندی سلین لەلایەن هێزە ئەمنیەکانی سەوڵاوا دەستبەسەرکرا و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز پێشبەیانی دووشەمە ١٩ی خەرمانانی ١٤٠٣ هێزە ئەمنیەکانی سەوڵاوا بەبێ بڕیاری دادگا هاووڵاتیەک دەستبەسەرکرد. ناسنامەی ناوبراو ڕاشد ئەدوایی، خەڵکی گوندی سلین لە سەوڵاوای مەریوانە. بەپێی ئەم ڕاپۆرتە هێزە ئەمنیەکان هێرشیان کردە ماڵی ناوبراو لە گوندی سلین، بە توندوتیژی ناوبراویان دەستبەسەرکرد.
تا کاتی نووسینی ئەم ڕاپۆرتە لە شوێنی مانەوە، تۆمەتەکان و هۆکاری دەستبەسەری ناوبراو زانیاریەک لەبەردەستدا نییە.
