سلێمان چوپانی، پاش کۆتایی لێکۆڵینەوە لە گرتوخانەیەکی ئەمنی ورمێ بۆ گرتوخانەی نەغەدە گواسترایەوە.
بەپێی ڕاپۆرتی کۆڵبەرنیوز سێشەمە ٢٧ی خەرمانانی ١٤٠٣ سلێمان چوپانی، هاووڵاتی شاری پیرانشار پاش کۆتایی لێکۆڵینەوە لە گرتوخانەیەکی ئەمنی ورمێ بۆ گرتوخانەی نەغەدە گواسترایەوە. بەپێی ئەم ڕاپۆرتە ناوبراو لە ماوەی دەستبەسەریدا لە هەبوونی پارێزەر و بینینی بنەماڵەکەی بێبەش بووە.
سلێمان چوپانی، پێنجشەمە ١٥ی خەرمانانی ١٤٠٣، لەلایەن هێزەکانی ئەمنی دەستبەسەرکرا و بۆ شوێنێکی نادیار گواسترابوو. تاکاتی نووسینی ئەم ڕاپۆرتە لەهۆکاری دەستبەسەری، شوێنی مانەوە و تۆمەتەکانی دژی ناوبراو زانیاریەک لەبەردەستدا نییە. سلێمان چوپانی خێزاندار و باوکی ٣ منداڵە.
