خەبات ئێراندۆست، هاووڵاتی شاری بۆکان ١٤ ڕۆژە دەستبەسەرە و تائێستا لە شوێنی مانەوەی ناوبراو زانیاریەک لەبەردەستدا نییە. نادیاری لە دۆخی ناوبراو نیگەرانی بنەماڵە و ئازیزانی زیاتر کردووە.
بەپێی ڕاپۆرتی کۆڵبەرنیوز لە چوارشەمە ١١ی ڕەزبەری ١٤٠٣ خەبات ئێراندۆست لەلایەن هێزەکانی ئەمنی لە شوێنی کارەکەی لە بۆکان دەستبەسەرکرا. بەپێی ئەم ڕاپۆرتە، سەرەڕای لێکۆڵینی بنەماڵەکەی لە ناوەندی ئەمنی و یاسایی، بەرپرسانی پێوەندیدار لەبارەی شوێنی مانەوە و دۆخی ناوبراو وەڵام نادەنەوە. بڕیارێک کە نیگەرانی بنەماڵەکەی زیاتر کردووە. تاکاتی نووسینی ئەم ڕاپۆرتە لە تۆمەتەکانی ناوبراو زانیاریەک لەبەردەستدا نییە.
خەبات ئێراندۆست، ٤٣ ساڵان و خێزاندار و باوکی منداڵێکە و دانیشتووی بۆکانە و پێش دەستبەسەری کاری چاککردنەوەی کەرەستەی ناوماڵی دەکرد.
