کۆلبەرێکی خەڵکی شاری سەقز لە ئەنجامی تەقەی ڕاستەوخۆی هێزەکانی هەنگی مەرزی لە ناوچەی مەرزی هەنگەژاڵەی بانە گیانی لەدەست دا.
بەپێی ڕاپۆرتی کۆلبەرنیوز، ڕۆژی سێشەممە ١٤ی خەرمانانی ١٤٠٢، هێزەکانی هەنگی مەرزی لە ناوچەی مەرزی هەنگەژاڵەی بانە دەستڕێژی گولـلەیان لە دەستەیەک لە کۆلبەرەکان کردووە و لە ئەنجامدا کۆلبەرێکی خەڵکی شاری سەقز بە ناوی “حامید فەرەجپوور” بە سەختی بریندار بووە و دوای گواستنەوەی بۆ نەخۆشخانە گیانی لەدەستدا.
بەپێی ئەم ڕاپۆرتە، حامید فەرەجپوور کلۆک و گورچیلەی بە سەختی بریندار بووە و بە مەبەستی چارەسەری بۆ نەخۆشخانەی سەلاحەدین ئەیوبی لە شاری بانە گواسترابوویەوە. بارودۆخی گشتی ئەم کۆڵبەرە بە نالەبار ڕاگەیەندرابوو و لە نەخۆشخانەی شاری بانە نەشتەرگەری بۆ کرا.
لەلایەکی دیکەوە، ڕۆژی دووشەممە ١٣ی خەرمانانی ١٤٠٢، کۆلبەرێکی دیکەی خەڵکی شاری بانە، بە ناسنامەی “بێهزاد کەریمی” بە تەقەی ڕاستەوخۆی هێزەکانی هەنگی مەرزی لە ناوچەی سنووری “کیلی” بە سەختی بریندار بوو و بۆچارەسەرکردن ناوەندە پزیشکییەکانی شاری بانە گواستراوەتەوە .
بە پشتبەستن بەو ئامارانەی لە ٦ مانگی یەکەمی ساڵی ٢٠٢٣دا لە کۆلبەر نیوز تۆمارکراون، بە گشتی ٦١ کۆلبەر لە ناوچە سنوورییەکان و ڕێگاکانی نێوان ڕێگاکانی پارێزگاکانی ئازەربایجانی ڕۆژئاوا، کوردستان و کرماشان بە هۆی هۆکارەکانی وەک تەقەی ڕاستەوخۆی هێزە نیزامییەکانی ڕژیم گیانیان لەدەستداوە ، بەفربارین و بەستەڵەکی. لە کۆی ئەم کۆیە ١١ کۆلبەر (١٨%) کوژراون و ٥٠ کۆلبەر (٨٢%) بریندار بوون، لە کۆی گشتی ٦١ کۆلبەر کە کوژراون و بریندار بوون، ٤٢ حاڵەت (٦٩%) بەهۆی تەقەی ڕاستەوخۆی هێزە سەربازییەکان بووە.
