مەهدی مەجیدی، هاوڵاتی ٢٥ ساڵ تەمەنی خەڵکی شاری بۆکان، لەلایەن دادگای ئەو شارەوە بە ٥ ساڵ زیندانی تەعزیری مەحکووم کرا.
بەپێی ڕاپۆرتی کۆڵبەرنیوز، لە ڕۆژانی ڕابردوودا دادگای لقی ٢ شاری بۆکان، مەهدی مەجیدی هاوڵاتی ٢٥ ساڵ تەمەنی خەڵکی ئەم شارە، بە تۆمەتی «پاراستنی ئیسرائیل» بە ٣ ساڵ زیندانی تەعزیری، بە تۆمەتی «تەبلیغ دژی ڕژیم» بە ساڵێک زیندانی تەعزیری و بە تۆمەتی «سوکایەتی بە ڕێبەری» بە ساڵێک زیندانی تەعزیری و بە گشتی بە ٥ ساڵ زیندانی تەعزیری مەحکووم کرا.
بە جێبەجێکردنی مادەی ١٣٤ یاسای سزادانی ئیسلامی، سزادانی توند واتە حوکمی ٣ ساڵ زیندان بە تایبەت بۆ ناوبراو جێبەجێ دەکرێت.
مەهدی مەجیدی ڕۆژی دووشەمە ١٥ خەزەڵوەری ١٤٠٢، لە درێژەی کوشتنی حکومەتی ژینا ئەمینی لەلایەن هێزەکانی ئەمنی شاری بۆکان دەستبەسەر و بۆ گرتوخانەی ئیدارەی ئیتلاعاتی ورمێ گوازرابووەوە.
لەکۆتاییدا پاش ٤٠ ڕۆژ دەستبەسەری و کۆتایی هاتنی لێکۆڵینەوە بۆ زیندانی بۆکان گوازرایەوە و پاش ٣ مانگ دەستبەسەری بە دانانی بارمتەی ٥٠٠ ملیۆن تمەن و بەشێوەی کاتی تا کۆتایی هاتنی لێکۆڵینەوە لە زیندان ئازاد کرابوو.
