سەرەڕای ئەوەی کە ١٥ مانگ بەسەر ڕفاندن و دەستبەسەرکردنی “عوسمان مامە” تێپەڕیوە، بەڵام هیچ هەواڵێک لەبارەی چارەنووسی ئەم هاووڵاتییەی خەڵکی بۆکان لەبەردەستدا نییە.
بەپێی ڕاپۆرتی کۆڵبەرنیوز، ئێوارەی ڕۆژی هەینی ٢٧ی خەزەڵوەری ١٤٠١، هێزە ئەمنی و سەرکوتگەرەکانی کۆماری ئیسلامی لە کاتی گەڕانەوە بۆ ماڵەوە، “عوسمان مامە”، هاووڵاتی خەڵکی شاری بۆکانیان ڕفاندووە و تا ئێستاش زیاتر لە ١٥ مانگ تێپەڕیوە، هیچ زانیارییرک دەربارەی چارەنووسی لەبەردەستدا نییە.
ڕاپۆرتەکان ئاماژە بەوە دەکەن کە ژن و منداڵی ئەم هاووڵاتییە چەند جارێک بە بەدواداچون لە دامەزراوە ئەمنیەتییە جۆراوجۆرەکانی ڕژیم بە دوای چارەنووسی ناوبراودا گەڕاون، بەڵام هەرجارە بەدواداچوونەکانیان بێ ئاکام بووە.
“عوسمان مامە” پێش بێسەروشوێنی و دەستبەسەرکردنی، وەک کرێکارێک لە کارگەی بەخێوکردنی مریشک لە شاری دوکان لە هەرێمی کوردستان کاری کردووە و موچەکەی تاکە سەرچاوەی بژێوی خێزانەکەی بووە و ئەمەش بووەتە هۆی فشاری ئابووری لەسەر خێزانەکەی.
