«خانم وەلی زادە» دایکی زیندانی سیاسی شۆڕشی ژینا «جەلیل مەولودی» لە بۆکان کۆچی دوایی کرد.
بەپێی ڕاپۆرتی کۆڵبەرنیوز، ڕۆژی دووشەمە ١٠ گوڵانی ١٤٠٣، «خانم وەلی زادە» دایکی زیندانی سیاسی شۆڕشی ژینا «جەلیل مەولودی» لە شاری بۆکان لە کاتێکدا کۆچی دوایی کرد کە زیاتر لە ساڵێکە کوڕەکەی لەلایەن هێزەکانی ئەمنی ڕژیم دەستبەسەرکراوە.
«جەلیل مەولودی» خەڵکی شاری بۆکان، ڕۆژی ٢٩ خاکەلێوەی ١٤٠٢، بەبێ بڕیاری دادگە لەلایەن هێزەکانی ئەمنی شاری بۆکان دەستبەسەرکرا و بۆ شوێنێکی نادیار گوازرایەوە.
تائێستا لە هۆکاری دەستبەسەرکردن و تۆمەتەکانی دژی ئەم هاوڵاتیە زانیاری ورد بەردەست نییە.
