ده‌ستبه‌سه‌ر كردنی 500 كه‌س له ڕێوڕه‌سمه‌كانی نه‌ورۆزی باكووری كوردستان
به پێی ڕاپۆرتی ڕێكخراوه‌كانی مافی مرۆڤی توركیا، لەماوەی بەڕێوەچوونی ئاهەنگەکانی نەورۆز لە باکووری کوردستان، زیاتر لە 488 کەس لەلایەن هێزەکانی دەوڵەتی تورکەوە ده‌ستبه‌سه‌ر كراون، کە 173 کەسیان منداڵن.
لە باکووری کوردستان و تورکیا جەژنی نەورۆز بە دروشمی “کات کاتی سەرکەوتنە” لە 50 شار و شارۆچکە پیرۆزکرا، تەنها لە ئامەد نزیکەی دوو ملیۆن کەس بەشدارییان لە ئاهەنگی نەورۆزدا کردبوو.لە “ئامەد” زیاتر لە 300 کەس ده‌ستبه‌سه‌ر كراون، کە 15یان منداڵن، لە شارەکانی “ئایدین“، “قوونیه“، “مێردین“، “شرناخ“، “ئەدەنە“، “ئیستانبوول“، “تەکیرداغ“، “گەبزە“، “وان“، “ئاگری” و “گەڤەر“یش به دەیان کەسی دیكه‌ده‌ستبه‌سه‌ر كراون و هێشتا چاره‌نووسیان نادیاره.
