ئارسەلان پووریا هاووڵاتی خەڵکی شاری سنە و محەمەد محەمەدی هاووڵاتی خەڵکی شاری دێگولان، لەلایەن هێزە ئەمنییەکانەوە دەستبەسەر و بۆ شوێنێکی نادیار گوازرانەوە.
بەپێی ڕاپۆرتی کۆڵبەرنیوز، ڕۆژی هەینی ١٠ی خەرمانانی ١٤٠٢، ئەرسەلان پووریا، هاووڵاتییەکی تەمەن ٣٤ ساڵ خەڵکی گوندی “قار” سەر بە شاری سنە، لەلایەن هێزە ئەمنییەکانی ئەم شارە دەستبەسەر و بۆ شوێنێکی نادیار ڕاگوێزرا. بەپێی ئەم ڕاپۆرته تا ئێستا هیچ زانیارییەک لەبارەی بارودۆخی ئەم هاوڵاتییە لەدوای دەستگیرکردنەوه لەبەردەستدا نییە.
بەپێی هەواڵێکی دیکە، لە ماوەی چەند ڕۆژی ڕابردوودا، محەممەد محەممەدی، هاووڵاتییەکی خەڵکی بولبولان ئاوا، سەر بە شاری دێگولان، لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار گوازراوەتەوە.
هێزە ئەمنییەکان بەبێ دابینکردنی فەرمانی دادگا ئەو هاووڵاتییانەیان دەستگیرکردووە. تا بڵاوبوونەوەی ئەم ڕاپۆرتە هیچ زانیارییەک لەسەر هۆکاری دەستگیرکردن و تۆمەتەکانی ئەم هاوڵاتییە لەبەردەستدا نییە.
