سامان خالیدیان، هاووڵاتییەکی خەڵکی گوندی “نسارە”ی سەر بە شاری دیواندەرە، لەلایەن هێزە ئەمنییەکانی شاری سەقزەوە دەستبەسەر و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز، ڕۆژی یەکشەممە ٢٦ی خەرمانانی ١٤٠٢، سامان خالیدیان، هاووڵاتیی خەڵکی گوندی “نسارە”ی شاری دیواندەرە، لەلایەن هێزە ئەمنییەکانی شاری سەقزەوە دەستبەسەر و بۆ شوێنێکی نادیار ڕاگوێزرا.
بەگوێرەی ئەو ڕاپۆرتەی دەست کەوتووە، هێزە ئەمنییەکان بەبێ بڕیاری دادگا ئەم هاووڵاتییەیان دەستگیر کردووە. تا کاتی نووسینی ئەم هەواڵە هیچ زانیارییەک لەسەر شوێنی مانەوە و تۆمەتی ئەم هاوڵاتییە لەبەر دەستدا نییە.
