سەباح ساڵحی، خەڵکی ئاوایی “حەسەن ئاوا”ی سەر بە شاری سنە، بە دانانی بارمتەی ٢٠٠ میلیۆن تمەن تا کۆتایی پرۆسەی دادگاییەکەی ئازاد کرا.
بەپێی ڕاپۆرتی کۆڵبەرنیوز، ئەمڕۆ سێشەممە ٤ی ڕەزبەری ١٤٠٢، سەباح ساڵحی، تەمەن ٣٢ ساڵ، خەڵکی “حەسەن ئاوا”ی سەر
بە شاری سنە، بە دانانی بارمتەی ٢٠٠ میلیۆن تمەنیی تا کۆتایی پرۆسەی دادگاییەکەی ئازاد کرا.
ڕۆژی چوارشەممە ٢٢ی خەرمانانی ئەمساڵ، ناوبراو بەبێ حوکمی یاسایی لەلایەن ئیدارەی ئیتلاعاتەوە لە دوکانەکەی خۆیدا دەستبەسەر کرا.
جێی ئاماژەیە هیچ زانیارییەک تا ئێستا لەسەر ئەو تۆمەتەی کە ئاراستەی ئەم هاوڵاتیە کراوە نییە.
