هاووڵاتییەکی خەڵکی شاری شنۆ دوای بانگهێشتی بۆ ئیدارەی ئیتلاعاتی ئەم شارە دەستبەسەرکرا.
بەپێی ڕاپۆرتی کۆڵبەرنیوز ڕۆژی شەممە ٢٢ی گوڵانی ١٤٠٣، هاووڵاتیەک دوای بانگهێشتی بۆ ئیدارەی ئیتلاعاتی شاری شنۆ دەستبەسەرکرا. ناسنامەی ناوبراو، لوقمان حاجی خۆش، ٤٠ ساڵ تەمەن، خێزاندارە و خەڵکی گوندی «کۆنە قەڵا»ی سەربە شاری شنۆ، ڕاگەیەندراوە.
بەپێی ئەم ڕاپۆرتە، لە چارەنووسی لوقمان حاجی خۆش کە بەشێوەی پەیوەندی تەلەفۆنی بۆ ئیدارەی ئیتلاعاتی شنۆ بانگهێشت و دواتر دەستبەسەرکراوە، زانیارییەک لە بەردەستدا نییە.
تا کاتی نووسینی ئەم هەواڵە لە هۆکارەکانی، بانگهێشت و دەستەبەرکرانی ئەم هاووڵاتییە زانیارییەک لە بەردەستدا نییە.
