ئومێد ڕۆستەمی و فەرزین ڕۆستەمی ٢ هاوڵاتی خەڵکی شاری میاندواو بە تێپەڕینی ٢٧ ڕۆژ لە کاتی دەستبەسەری هێشتا دەستبەسەرن و نادیارن.
بەپێی ڕاپۆرتی کۆڵبەرنیوز، ئومید ڕۆستەمی ٣٠ ساڵ تەمەن و فەرزین ڕۆستەمی ٢٢ ساڵ تەمەن، ٢ هاوڵاتی خەڵکی گوندی «عەسگەراوا» سەربە شاری میاندواو سەرەڕای تێپەڕینی زیاتر لە ٢٧ ڕۆژ لە کاتی دەستبەسەری هێشتا دەستبەسەرن و نادیارن. بەردەوامی دەستبەسەری و نادیاری لە دۆخی ئەم ٢ هاوڵاتیە نیگەرانیەکانی خێزانەکانیانی زیاتر کردووە.
بەپێی ئەم ڕاپۆرتە، دەستبەسەری ئەم هاوڵاتیانە پەیوەندە بە بەڕێوەچوونی ڕێوڕەسمەکانی نەورۆزی لە کوردستان.
ئومێد ڕۆستەمی و فەرزین ڕۆستەمی ڕۆژی یەکشەمە ٢ی گوڵانی ١٤٠٣، لەلایەن هێزەکانی ئەمنی شاری میاندواو بەبێ بڕیاری دادگا دەستبەسەرکران و بۆ شوێنی نادیار گوازرانەوە.
