هاوڵاتییەکی شاری مەریوان دوای هەفتەیەک لە دەستبەسرکرانی، هێشتا لە فەرمانگەی ئیتلاعاتی سنە ڕاگیراوە.
بە پێی ڕاپۆرتی کۆڵبەرنیوز، حامد ئەمینی هاوڵاتی شاری مەریوان کە هەفتەی ڕابردوو لەلایەن ناوەندە ئەمنییەکانەوە لەو شارە دەستبەسەر و بۆ فەرمانگەی ئیتلاعاتی سنە ڕاگوێزرابوو، هەتا ئێستا بە بێ ڕوونبوونی چارەنووسی دەستبەسەرە.
بە پێی ڕاپۆرتەکە، ئەم هاوڵاتییە خەڵکی گوندی “ساوسلێمان” خێزاندار و خاوەنی سێ منداڵە و لە گوندی “لەنجاوا” لە شاری مەریوان نیشتەجێیە.
شایانی باسە تا کاتی نووسینی ئەم ڕاپۆرتە، زانیاری ورد سەبارەت بە هۆکاری دەستبەسەری و تۆمەتەکانی ئەم هاوڵاتییە بەردەست نییە
