ڕۆژی سێشەممە ٥ی پووشپەڕی ١٤٠٣، هێزە ئەمنییەکان لە شاری مەریوان بە توندوتیژیەوە “ئیدریس دادرەس” هاووڵاتی شاری مەریوانیان دەستبەسەرکرد.
بەپێی ڕاپۆرتی کۆڵبەرنیوز، هێزەکانی ئیدارەی ئیتلاعاتی شاری مەریوان لە ڕۆژی سێشەممە ٥ی پووشپەڕی ١٤٠٣ هێرشیان کردە سەر ماڵی “ئیدریس دادرەس” لە مەیدانی جیهاد، بە توندوتیژیەوە ناوبراویان دەستبەسەر و ڕاگوێزی شوێنێکی نادیاریان کرد.
ئەم دەستبەسەرکردنە لەبەر چاوی هاوژین و ٥ منداڵی ناوبراودا ئەنجام دراوە.
تا ئێستا لە هۆکارەکانی دەستبەسەری و تۆمەتەکانی دژی ئەم هاووڵاتیە زانیارییەک لە بەردەستدا نییە.
“ئیدریس دادرەس” هاووڵاتی تەمەن ٤٧ ساڵ خەڵکی گوندی “سەردۆشی” سەربە شاری مەریوان و دانیشتووی مەیدانی جیهادی ئەم شارەیە.
