“ئارام موحەممەدی، تەحسین موستەفا، سەیوان سلێمانی و ئارام قادری”، لە چالاکانی سنفی مامۆستایانی کوردستان لەلایەن دادگای شۆڕشی مەریوان هەر یەکێکیان بە ٤ مانگ زیندان مەحکووم کران. حوکمی ڕاگەیەندراو بۆ ئەم چالاکانە بۆ ماوەی ٢ ساڵ دواخراوە.
بەپێی ڕاپۆرتی کۆڵبەرنیوز، چوار چالاکی سنفی مامۆستایانی کوردستان-مەریوان بە زیندان مەحکووم کران. بەپێی ئەم ڕاپۆرتە، “ناوبراوان” لەلایەن دادگای شۆڕشی مەریوان، بە تۆمەتی “تەبلیغ لەدژی ڕژیم” هەر یەکێکیان بە ٤ مانگ زیندان مەحکووم کران. حوکمی ڕاگەیەندراو لەدژی ئەم چالاکانە، بۆ ماوەی ٢ ساڵ دواخراوە.
“ناوبراوان” لە ٢٦ی جۆزەردانی ١٤٠١، لە درێژەی گردبووەنەوە ناڕەزایەتیەکانی مامۆستایان لەلایەن هێزە ئەمنیەکانەوە دەستبەسەرکران و لەکۆتاییدا پاش ڕۆژێک بە کەفالەت ئازاد کران.
ئەم چالاکانەی سنفی مامۆستایان لە ١٩ی ڕێبەندانی ١٤٠١، بۆ وەرگرتنی کۆتا بەرگری بۆ لقی یەکی لێکۆڵینەوەی دادگای مەریوان بانگهێشت کرابوون.
تۆمەتبار کردنی ئەم کەسانە لە خاکەلێوەی ١٤٠٢، لەلایەن لقی چاودێری دادگای گشتی و شۆڕشی مەریوان ڕاگەیەندرابوو.
