“حەسەن یوسفی ئازەر”، “ڕەسوڵ یوسفی ئازەر” و “موحسین ئەحمەدی ئەقدەم”، سێ هاووڵاتی خەڵکی شاری مەهاباد لەلایەن هێزە ئەمنییەکانەوە دەستبەسەرکران.
بەپێی ڕاپۆرتی کۆڵبەرنیوز، ڕۆژی چوارشەممە ٢٩ی خاکەلێوەی ١٤٠٣، سێ هاووڵاتی لە شاری مەهاباد دەستبەسەرکران. ناسنامەی ئەم هاووڵاتییانە “موحسین ئەحمەدی ئەقدەم” تەمەن ٣٤ ساڵ کوڕی حەسەن، “ڕەسوڵ یوسفی ئازەر”، تەمەن ٢١ ساڵ کوڕی ئیبراهیم و “حەسەن یوسفی ئازەر”، تەمەن ٣٩ ساڵ کوڕی فەتاح، خەڵکی گوندی “بەفروان”ی شەر بە شاری مەهاباد ڕاگەیەندراوە .
بەپێی ئەم ڕاپۆرته، ئەم هاووڵاتییانە لەلایەن هێزە ئەمنییەکانەوە بەبێ فەرمانی دادگا دەستبەسەرکراون و بۆ لێپرسینەوه بۆ گرتووخانەی ئەمنی له شارەکانی ورمێ و مەهاباد گواستراونەتەوه.
تا کاتی نووسینی ئەم ڕاپۆرتە هیچ زانیارییەک لەبارەی هۆکاری دەستبەسەرکردنیان و ئەو تۆمەتانەی کە ئاراستەیان کراوە، لەبەردەستدا نییە.
