دوو کۆڵبەری خەڵکی شاری جوانڕۆ بەهۆی تەقەی ڕاستەوخۆی هێزەکانی هەنگی مەرزی لە هێڵی سنووری نەوسوود برینداربوون.
بەپێی ڕاپۆرتی کۆڵبەرنیوز، ئێوارەی ڕۆژی دووشەممە ٦ی خاکەلێوەی ١٤٠٣، هێزەکانی هەنگی مەرزی ڕژیم لە هێڵی سنووریی نەوسوود تەقەیان لە کۆمەڵێک لە کۆڵبەران کردووە و لە ئەنجامدا دوو کۆلبەری خەڵکی شاری جوانڕۆ سەر و لاقیان برینداربووە.
جێگای ئاماژەیە کە ئەم دوو کۆڵبەرە بۆ ناوەندە پزیشکییەکانی شاری نەوسوود بۆ چارەسەر گواستراونەتەوە و چارەسەریان بۆ کراوە. تا کاتی نووسینی ئەم هەواڵە ناسنامەی ئەم دوو کۆڵبەرر بۆ کۆڵبەرنیوز پشتڕاست نەکراوەتەوە.
ئەم هەواڵە تەواو دەکرێت.
