جێبەجێکارانی حوکمەکانی دادگای کامێران، “ئیحسان بەهجەتی” هاووڵاتی شاری کامێران بۆ جێبەجێکرانی حوکمەکەی بانگهێشت کرد.
بەپێی ڕاپۆرتی کۆڵبەرنیوز، ڕۆژی پێنجشەممە ٢١ی پووشپەڕی ١٤٠٣، جێبەجێکارانی حوکمەکانی دادگای کامێران “ئیحسان بەهجەتی” بۆ جێبەجێکرانی حوکمی بەندکردن “لە ژێر چاودێری بە پابەندبوونی ئەلیکترۆنی لە دەرەوەی زیندان” بانگهێشت کرد.
“ئیحسان بەهجەتی” لە ٩ی ڕێبەندانی ١٤٠٢، لەلایەن هێزە ئەمنییەکانی ئیدارەی ئیتلاعاتی شاری کامێران دەستبەسەر و نزیکەی ٤٠ ڕۆژ لە گرتوخانەی ئەم ئیدارەیە لەژێر لێکۆڵینەوەدا بوو لە کۆتاییدا بە دانانی بارمتە بەشێوەیەکی کاتی ئازاد کرابوو.
دادگای شۆڕشی شاری کامێران ناوبراوی بە تۆمەتی “چالاکی دژی ڕژیم” بە ٩١ ڕۆژ زیندانی مەحکووم کرد کە ئەم حوکمە دواتر بۆ “لە ژێر چاودێری بە پابەندبوونی ئەلیکترۆنی لە دەرەوەی زیندان” گۆڕدرا.
