نەریمان ڕەندانی، هاوڵاتی شاری سەقز لەلایەن هێزە ئەمنییەکانەوە دەستبەسەر و بۆ شوێنێکی نادیار گواسترایەوە.
بەپێی ڕاپۆرتی کۆڵبەرنیوز، ڕۆژی چوارشەمە ٢٠ی خاکەلێوەی ١٤٠٤، نەریمان ڕەندانی، هاوڵاتی شاری سەقز دەستبەسەرکرا. بەپێی ئەم ڕاپۆرتە، دەستبەسەرکرانی نەریمان ڕەندانی لەلایەن هێزە ئەمنییەکانەوە بەبێ بڕیاری دادوەر و لە شوێنی کارەکەیدا ئەنجامدراوە.
تا کاتی نووسینی ئەم ڕاپۆرتە، زانیارییەک لە هۆکارەکانی دەستبەسەری، شوێنی مانەوە و تۆمەتەکانی دژی ئەم هاوڵاتییە بەردەست نییە.
نەریمان ڕەندانی، لە ٧ی ڕەشەمەی ١٤٠٣، بە دانانی بارمتە لە زیندانی شاری سەقز ئازاد کرابوو. دەستبەسەرکرانی ناوبراو لە پەیوەست بە مانگرتنی گشتی ڕۆژی چوارشەمە ٣ی ڕێبەندانی ١٤٠٣، لە شارەکانی کوردستان ئەنجامدرابوو.
