“هێمن ئیبراهیم حەمزە و ئیدریس حاجی ڕەسوڵ پوور”، برای محەمەد حاجی ڕەسوڵ پوور لە گیانبەختکردووانی ناڕەزایەتییە سەرتاسەرییەکانی ١٤٠١ لەلایەن هێزە ئەمنییەکان دەستبەسەر و بۆ شوێنێکی نادیار گواسترانەوە.
بەپێی ڕاپۆرتی کۆڵبەرنیوز ڕۆژی پێنجشەممە ٢٠ی گوڵانی ١٤٠٣، هێمن ئیبراهیم حەمزە خەڵکی گوندی “قرەگوڵ”ی سەربە شاری بۆکان و ئیدریس حاجی ڕەسوڵ پوور، برای محەمەد حاجی ڕەسوڵ پوور لە گیانبەختکردووانی ناڕەزایەتییە سەرتاسەرییەکانی ١٤٠١، لەلایەن هێزە ئەمنییەکانەوە دەستبەسەرکران.
بەپێی ئەم ڕاپۆرتە، هێزە ئەمنییەکان بە چوونە ناو ماڵی ئەم دوو هاووڵاتییە، بەبێ بڕیاری دادگا ئەوانیان دەستبەسەر و بۆ شوێنێکی نادیاریان گواستونەتەوە.
تا کاتی نووسینی ئەم هەواڵە، لە هۆکارەکانی دەستبەسەرکردن، شوێنی مانەوە و تۆمەتەکانی دژی ئەم هاووڵاتیانە زانیارییەک لەبەردەستدا نییە.
لە ڕەزبەری ١٤٠١، محەمەد حاجی ڕەسوڵ پوور کە لە کاتی ناڕەزایەتییە سەەتاسەرییەکانی ١٤٠١ دەستبەسەرکرابوو، دوای ماوەیەک و لە سەرماوەزی هەمان ساڵدا بەهۆی فشارەکانی لە کاتی دەستبەسەرکرانی لەلایەن هێزە ئەمنییەکان لە نەخۆشخانەی قولی پووری شاری بۆکان گیانی لەدەستدا.
