فەرید بایدەست، هاوڵاتییەکی خەڵکی دیواندەرە، لەلایەن دادگای شۆڕشی سنەوە حوکمی زیندانی بەسەردا سەپێندرا.
بە پێی ڕاپۆرتی کۆڵبەرنیوز، فەرید بایدەست، هاوڵاتیی خەڵکی دیواندەرە، لە لایەن لقی یەکی دادگای شۆرشی سنەوە بە ٢٠ مانگ زیندان مەحکووم کراوە.
بە وتەی سەرچاوەیەکی ئاگادار، ئەم هاوڵاتییە بە تۆمەتی “هاوکاری لەگەڵ یەکێک لە حیزبە کوردییەکانی ئۆپۆزسیۆنی ئێران” و “پڕوپاگەندە لە دژی نیزام” دادگایی کراوە و لە چەند ڕۆژی ڕابردوودا حوکمەکەی پێ ڕاگەیەندراوە.
ڕۆژی چوارشەممە ١٣ی جۆزەردانی ساڵی ١٤٠٣، هێزە ئەمنییەکان بەبێ فەرمانی دادگا هەڵیانکوتایە سەر ماڵی ئەم هاوڵاتییە و دەستگیریان کرد. ناوبراو پاش کۆتاییهاتنی لێپرسینەوە لەگەڵیدا، بە دانانی بارمتە و تا کۆتایی دادگاکەی بۆ ماوەیەکی کاتی ئازاد کرا.
