شاهین عەلیپوور، هاوڵاتی خەڵکی شاری ڕوانسەر لەلایەن هێزە ئەمنییەکانی ڕوانسەرەوە دەستبەسەرکرا و بۆ شوێنێکی نادیار گواسترایەوە.
بە پێی ڕاپۆرتی کۆڵبەرنیوز ڕۆژی دووشەممە ٢٤ی بەفرانباری ١٤٠٣ شاهین عەلیپوور، هاوڵاتی تەمەن ٢١ ساڵ و خەڵکی شاری ڕوانسەر لەلایەن هێزە ئەمنییەکانەوە دەستبەسەرکرا و بۆ شوێنێکی نادیار گواسترایەوە. بە پێی ئەم ڕاپۆرتە هێزە ئەمنییەکان بەبێ بڕیاری دادوەر هێرشیان کردۆتە سەر ماڵی ئەم هاوڵاتییە و دەستبەسەریان کردووە. بە تێپەڕینی سێ ڕۆژ لە دەستبەسەرکردنی هێشتا بەدواداچوونی بنەماڵەکەی بۆ زانینی چارەنووسی کوڕەکەیان بێ ئەنجام بووە.
تا کاتی نووسینی ئەم ڕاپۆرتە هۆکارەکانی دەستبەسەری، شوێنی مانەوە و تۆمەتەکانی دژی ئەم هاوڵاتیە ڕوون نییە.
