فواد مورادی، هاووڵاتی خەڵکی شاری دیواندەرە پاش بانگهێشتی بۆ ئیدارەی ئیتلاعاتی ئەم شارە دەستبەسەرکرا و بۆ شوێنێکی نادیار گواسترایەوە.
بەپێی ڕاپۆرتی کۆڵبەرنیوز، ڕۆژی یەکشەمە ٢٥ی جۆزەردانی ١٤٠٤، فواد مورادی، هاووڵاتی خەڵکی گوندی “کێلەکەبود” لە شاری دیواندەرە، پاش بانگهێشتی بۆ ئیدارەی ئیتلاعاتی ئەم شارە لەلایەن هێزەکانی ڕژیم دەستبەسەرکرا و بۆ شوێنێکی نادیار گواسترایەوە. بەپێی ئەم ڕاپۆرتە، هێزەکانی ڕژیم لە ڕێگەی پێوەندی تەلەفۆنی ئەم هاووڵاتییەیان بانگهێشت کردبوو.
تا کاتی نووسینی ئەم ڕاپۆرتە، هۆکارەکانی دەستبەسەری، شوێنی مانەوە و تۆمەتەکانی دژی ئەم هاووڵاتییە نادیارن.
فواد مورادی، ڕۆژی یەکشەمە هەژدەی خەرمانانی ١٤٠٣، لەلایەن هێزەکانی ڕژیم دەستبەسەرکرا و پاش کۆتاییهاتنی لێپرسینەوەکەی بە پێدانی بارمتە ئازاد کرابوو.
