ڕەشید فەقیزادە، هاووڵاتی خەڵکی شاری شنۆ بە پێدانی بارمتەی یەک ملیارد تمەن بە شێوەی کاتی لە زیندان ئازادکرا.
بەپێی ڕاپۆرتی کۆڵبەرنیوز، ڕۆژی یەکشەمە ٢٨ی گوڵانی ١٤٠٤، ڕەشید فەقیزادە، هاووڵاتی خەڵکی شاری شنۆ بە پێدانی بارمتەی یەک ملیارد تمەن بە شێوەی کاتی تا تەواوبوونی لێپرسینەوەکەی لە زیندانی ئەم شارە ئازادکرا.
ڕەشید فەقیزادە، ڕۆژی چوارشەمە حەڤدەی گوڵان لەلایەن هێزە ئەمنییەکان دەستبەسەر و بۆ شوێنێکی نادیار گواسترابوویەوە.
تا کاتی نووسینی ئەم ڕاپۆرتە، زانیارییەک لە هۆکارەکانی دەستبەسەری و تۆمەتەکانی دژی ئەم هاووڵاتییە بەردەست نییە.
