بەهۆی هێرشی کەسانی چەکداری نەناسراو بۆ ٢ ئۆتۆمبێلی هێزەکانی ڕژیم لە تەفتانی بەلوچستان، لانیکەم ١٠ کەس لە هێزەکانی ڕژیم کوژران.
بەپێی ڕاپۆرتی کۆڵبەرنیوز بە وەرگرتنی لە سەرچاوەی ناوخۆیی، ئەمڕۆ شەمە ٥ی خەزەڵوەری ١٤٠٣ کەسانی چەکداری نەناسراو هێرشیان کردەسەر ئۆتۆمبێلی هێزەکانی ڕژیم لە چوونە ژوورەوەی شاخی گەوهەر سەربە شاری تەفتان لە پارێزگای سیستان و بەلوچستان، لانیکەم ١٠ کەس لە هێزەکانی ڕژیم کوژران. تا ئێستا هیچ گرووپێک بەرپرسیارێتی ئەم هێرشەیان لە ئەستۆ نەگرتووە.
