فەرهاد کەریمی، هاووڵاتی خەڵکی نەغەدە، لەلایەن دادگای ئەم شارە بە شەش مانگ زیندانیی تەعزیری سزادراوە.
بەپێی ڕاپۆرتی کۆڵبەرنیوز، فەرهاد کەریمی، هاووڵاتی خەڵکی نەغەدە، لەلایەن لقی ١٠٣ی دادگای ئەم شارە بە سەرۆکایەتی دادوەر حجازی، بە تۆمەتی «هاوکاری لەگەڵ حیزبێکی کوردی دژبەری ڕژیم» بە شەش مانگ زیندانیی تەعزیری سزادراوە.
فەرهاد کەریمی، لە سێی پووشپەڕی ١٤٠٤ لە شاری نەغەدە لەلایەن هێزەکانی ڕژیم و بەبێ بڕیاری دادوەر دەستبەسەرکراوە. ناوبراو پاش دەستبەسەرکردنی بۆ گرتووخانەیەکی ورمێ گواستراوەتەوە و پاش کۆتاییهاتنی لێپرسینەوەکەی، بۆ زیندانیی نەغەدە گواستراوەتەوە.
فەرهاد کەریمی، ڕۆژی سێشەممە ٢١ی گەلاوێژی ١٤٠٤، بە کەفالەت لە زیندانیی نەغەدە ئازادکراوە.
ئەم هاووڵاتییە، لە ماوەی دەستبەسەرکرانیدا لە بینینی پارێزەرەکەی بێبەش بووە.
