واحید ئەبوبەکری، هاووڵاتی شاری پیرانشار لەلایەن هێزە ئەمنیەکانی پیرانشار دەستبەسەر و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز پێنجشەمە ١٥ی خەرمانانی ١٤٠٣ واحید ئەبوبەکری، ٢٧ ساڵان و کوڕی محەمەد و خەڵکی گوندی کەندرە لە شاری پیرانشار لەلایەن هێزە ئەمنیەکان دەستبەسەر و بۆ شوێنێکی نادیار گوازرایەوە. شایانی باسە، هاوکات ٣ هاووڵاتی دیکە بە ناوەکانی سەعدون شەریفی خەڵکی گوندی گرداسە، سلێمان چوپانی خەڵکی گردکەشانە، عەلی حسێن پوور خەڵکی گوندی چیانە لەلایەن هێزە ئەمنیەکانی پیرانشار دەستبەسەر و بۆ شوێنێکی نادیار گوازرانەوە.
تا کاتی نووسینی ئەم ڕاپۆرتە، لە هۆکارەکانی دەستبەسەری و شوێنی مانەوە و تۆمەتەکانی دژی واحید ئەبوبەکری زانیاریەک لە بەردەستدا نییە.
