ڕەزا بۆرکە، هاوڵاتی شاری پیرانشار بۆ جێبەجێکردنی سزای یەک ساڵ زیندانی خۆی بۆ جێبەجێکردنی سزاکان بانگهێشتکرا.
بەپێی ڕاپۆرتی کۆڵبەرنیوز، ڕەزا بۆرکە، هاوڵاتی شاری پیرانشار بۆ جێبەجێکردنی سزای زیندانییەکەی بانگهێشتکرا. بەپێی ئەم ڕاپۆرتە، بەڕێز بۆرکە لە ٢١ی خاکەلێوەی ١٤٠٤، خۆی بە زیندانی شاری نەغەدە ڕادەست بکات.
ئەم هاوڵاتییە پێشتر لەلایەن دادگای شۆڕشی شاری مەهاباد بە تۆمەتی «چالاکی بانگەشە دژی ڕژیم بۆ بەرژەوەندی کۆمەڵەکانی دژبەری ڕژیم» بە یەک ساڵ زیندانی تەعزیری سزادرابوو. «هاندانی گەنجان بۆ بەشداری لە ناڕەزایەتییەکان» لەو تۆمەتانەیە کە ئاڕاستەی ناوبراو کراوە.
ناوبراو لە درێژەی بزووتنەوەی شۆڕشگێڕانەی ژینادا لە ساڵی ١٤٠١، دوو جار لەلایەن هێزە ئەمنییەکانەوە دەستبەسەر کرابوو. بەڕێز بۆرکە هەر جارێک بە دانانی بارمتە ئازاد کرابوو.
ڕەزا بۆرکە، تەمەن ٥١ ساڵ و هاوڵاتی شاری پیرانشارە.
