سەلام خزرنەژاد، هاووڵاتی شاری پیرانشار لەلایەن هێزە ئەمنیەکانەوە دەستبەسەرکرا و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز، ڕۆژی دووشەمە ٢٢ی گەلاوێژی ١٤٠٣، سەلام خزرنەژاد، کوڕی موراد، خەڵکی گوندی گردەبن سەربە شاری پیرانشار لەلایەن هێزە ئەمنیەکانەوە دەستبەسەرکرا و بۆ شوێنێکی نادیار گوازرایەوە. بەپێی ئەم ڕاپۆرتە، هێزە ئەمنیەکان بەبێ بڕیاری دادگا ناوبراویان دەستبەسەرکردووە.
تا کاتی نووسینی ئەم ڕاپۆرتە لە هۆکارەکانی دەستبەسەری، شوێنی مانەوە و تۆمەتەکانی دژی ئەم هاووڵاتیە زانیاریەک لە بەردەستدا نییە.
