سەرەڕای تێپەڕینی ٢٢ ڕۆژ لە دەستبەسەری لوقمان زەنگی، هێشتا ناوبراو نادیارە و زانیاریەک لەبەردەستدا نییە. لێکۆڵینی بنەماڵەکەی بۆ چارەنووسی ناوبراو بێ ئەنجام بووە.
بەپێی ڕاپۆرتی کۆڵبەرنیوز سەرەڕای تێپەڕینی ٢٢ ڕۆژ لە دەستبەسەری لوقمان زەنگی، هاووڵاتی ٥٢ ساڵان خەڵکی گوندی کانی سورەک لە شاری شنۆ، هێشتا لەبارەی ناوبراو زانیاریەک لەبەردەستدا نییە. بەپێی ئەم ڕاپۆرتە ناوبراو پاش دەستبەسەری بۆ لێکۆڵینەوە بۆ گرتوخانەیەکی ئەمنی ورمێ گواسترایەوە و تائێستا لە هەبوونی پارێزەر و بینینی بنەماڵەکەی بێبەشە. شایانی باسە لێکۆڵینی بنەماڵەکەی بۆ چارەنووسی ناوبراو تا ئێستا بێ ئەنجام بووە.
لوقمان زەنگی، چوارشەمە ١٤ی خەرمانانی ١٤٠٣ بەبێ بڕیاری دادگا لەلایەن هێزەکانی ئەمنی ورمێ دەستبەسەرکرا و بۆ شوێنێکی نادیار گواسترایەوە. تاکاتی نووسینی ئەم ڕاپۆرتە لە هۆکاری دەستبەسەری و تۆمەتەکانی دژی ناوبراو زانیاریەک لەبەردەستدا نییە.
