جەلال حەیدەریان کۆڵبەر و گەنجێکی خەڵکی گوندی “قاچیان” لە بەشی کەرەفتوی شاری دیواندەرە بەهۆی تەقەی ڕاستەوخۆی هێزەکانی هەنگی مەرزی لە نەواری سنووری بانە کوژرا.
بەپێی ڕاپۆرتی کۆڵبەرنیوز، ئێوارەی ڕۆژی چوارشەممە ٢٤ی خەزەڵوەری ١٤٠٢، جەلال حەیدەریان کۆلبەر و گەنجێکی تەمەن ٢٨ ساڵ خەڵکی گوندی “قاچیان” لە بەشی کەرەفتوی شاری دیواندەرە، بەهۆی تەقەی ڕاستەوخۆی هێزەکانی هەنگی مەرزی لە نەواری مەرزی بانە کوژرا.
بەپێی ئەم ڕاپۆرتە، ئێستا تەرمی ئەم کۆڵبەر لە ساردخانەی نەخۆشخانەی شاری سەقز دایە و تا ئێستا ڕادەستی بنەماڵەکەی نەکراوە.
بە پشتبەستن بەو ئامارانەی لە ٦ مانگی یەکەمی ساڵی ١۴٠٢دا لە کۆلبەر نیوز تۆمارکراون، بە گشتی ٨۵ کۆلبەر لە ناوچە سنوورییەکان و ڕێگاکانی نێوان ڕێگاکانی پارێزگاکانی ئازەربایجانی ڕۆژئاوا، کوردستان و کرماشان بە هۆی هۆکارەکانی وەک تەقەی ڕاستەوخۆی هێزە نیزامییەکانی ڕژیم گیانیان لەدەستداوە و برینداربوون. لەم کۆی گشتییە، ١٣ کۆلبەر (١۵%) کوژراون و ۷۲ کۆلبەر (٨۵%) بریندار بوون.
لە کۆی گشتی ئەو ۸۵ کۆلبەرەی کە کوژراون و بریندار بوون، ۷۷ حاڵەت (۹۱%) بەهۆی تەقەی ڕاستەوخۆی هێزە سەربازییەکان بووە.
