مەتین حەسەنی، لە بریندارانی ناڕەزایەتییەکانی ساڵی ١٣٩٨ لەلایەن لقی ١٠١ی دادگای کەیفەری دووی بۆکان بە ٣١مانگ بەندکران مەحکووم کرا.
بەپێی ڕاپۆرتی کۆڵبەرنیوز، مەتین حەسەنی لە تۆمەتەکانی «بانگکردنی خەڵک بۆ شەڕ و کوشتنی یەکتر» و «چالاکی دژ بە ڕژیم» بەرگری لەخۆی کردووە.
مەتین حەسەنی، مانگی خاکەلێوەی ئەمساڵ، بە تۆمەتی «چالاکی دژ بە ڕژیم» بۆ لقی یەکی لێپرسینەوەی دادسەرای گشتی و ئینقلابی بۆکان بانگهێشت کرابوو.
ناوبراو لە تەمەنی ١٩ ساڵی و لە کاتی ناڕەزایەتییەکانی خەزەڵوەری ٩٨ بە تەقەی ڕاستەوخۆی هێزە سەرکوتگەرەکان لە شاری بۆکان، چاوێکی لەدەستدا.
