کەمال لوتفی، باوکی ڕەزا لوتفی یەکێک لە گیانبەختکردووانی ناڕەزایی جەماوەری١٤٠١ هێشتا دەستبەسەرە، بە کۆتایی هاتنی لێکۆڵینەوە بۆ زیندانی کامێران گواسترایەوە.
بەپێی ڕاپۆرتی کۆڵبەرنیوز کەمال لوتفی، باوکی ڕەزا لوتفی یەکێک لە گیانبەختکردووانی ناڕەزایی جەماوەری ١٤٠١ی شاری دێولان هێشتا دەستبەسەرە، بە کۆتایی هاتنی لێکۆڵینەوە بۆ زیندانی کامێران گواسترایەوە.
بەپێی ئەم ڕاپۆرتە ناوبراو لە کاتی دەستبەسەری تا ئێستا، لە پێوەندی و بینینی خێزانەکەی بێبەش بووە.
کەمال لوتفی لە ٢ی خاکەلێوەی ١٤٠٣ پاش وەرگرتنی ڕاگەیەندراو لە دادگای شۆڕشی قروە دەستبەسەرکرا.
ناوبراو پێشتر دەستبەسەرکرابوو، باوکی ڕەزای لوتفی لە گیانبەختکردووانی ناڕەزایی جەماوەری شاری دێولانە.
ڕەزا لوتفی گەنجی ٢٥ ساڵە خەڵکی شاری دێولان لە ٢٨ی خەرمانانی ١٤٠١، لە درێژەی ناڕەزایی جەماوەری لەم شارە بەهۆی تەقەی هێزەکانی ئەمنی گیانی لەدەستدا.
