ناسر مورادی، هاووڵاتی خەڵکی شاری سائین قەڵا، لەلایەن هێزە ئەمنیەکانەوە دەستبەسەر و بۆ شوێنێکی نادیار گواسترایەوە.
بەپێی ڕاپۆرتی کۆڵبەرنیوز، یەکشەممە ١١ی خەرمانانی ١٤٠٣، ناسر مورادی، خەڵکی گوندی قۆزڵوی ئەفشار سەر بە شاری سائین قەڵا لەلایەن هێزە ئەمنیەکانەوە دەستبەسەر و بۆ شوێنێکی نادیار گوازرایەوە. بەپێی ئەم ڕاپۆرتە، ناسر مورادی لەلایەن هێزە ئەمنیەکانەوە بەبێ بڕیاری دادگا لە ماڵەکەی خۆیدا دەستبەسەرکرا. تا ئێستا لێکۆڵینی بنەماڵەی ناوبراو بۆ زانینی چارەنوسی ناوبراو بێ ئەنجامە. ناسر مورادی لە گوڵانی ١٤٠٣ دەستبەسەرکرابوو.
تا کاتی نووسینی ئەم ڕاپۆرتە لە هۆکارەکانی دەستبەسەری و تۆمەتەکانی دژی ناوبراو زانیاریەک لە بەردەستدا نییە.
