ڕۆژی چوارشەممە ڕێکەوتی ١٨ی گەلاوێژی ١٤٠٢، “بێهزاد شەریفی” خەڵکی ژاوەرۆ، لە شاری سنە لەلایەن هێزەکانی سەر بە ئیدارەی ئیتلاعاتی ئەم شارە دەستبەسەر کرا.
بە پێی ڕاپۆرتی کۆڵبەرنیوز، ڕۆژی چوارشەممە ١٨ی گەلاوێژی ١٤٠٢، “بێهزاد شەریفی” خەڵکی گوندی “سالیان”ی سەر بە ژاوەرۆ، سەر بە شاری سنە لە پارێزگای کوردستان، لە کاتێکدا کە لە گوندی “شیان” خەریکی کار کردن بوو، لەلایەن هێزەکانی سەر بە ئیدارەی ئیتلاعاتی ئەو شارە دەستبەسەر و بۆ شوێنێکی نادیار گواستراوەتەوە.
جێگای ئاماژەیە کە بێهزاد شەریفی بەبێ فەرمانی دادگا دەستبەسەر کراوە و تا کاتی نووسینی ئەم ڕاپۆرتە هیچ زانیارییەک لەبارەی هۆکار و شوێنی دەستبەسەرکردنی نییە و ئەمەش نیگەرانیی بنەماڵەکەی لێکەوتووەتەوە.
