سەنعان نەورۆزی، هاووڵاتی خەڵکی شاری سنە، لە لایەن دادگای شۆڕشی ئیسلامییەوە، بە تۆمەتی “بڵاوکردنەوەی بەڵگەی نهێنی” سزای ٨ مانگ زیندانی بەسەردا سەپێنرا.
بەپێی ڕاپۆرتی کۆڵبەرنیوز ڕۆژی سێشەمە ١٣ی بەفرانباری ١٤٠٢, «سەنعان نەورۆزی» ٢٦ ساڵە و دانیشتووی شاری سنە بە تۆمەتی «بڵاوکردنەوەی بەڵگەی نهێنی» لەلایەن دادگای شاری سنەوە بە ٨ مانگ بەند سزا درا. ئەم سزایە، بڕیاری سەرەتایی دادگایە کە ڕۆژی سێیەمی بەفرانباری ١٤٠٢، پێی ڕاگەیەندرا.
سەنعان نەورۆزی ڕۆژی ١١ جۆزەردانی ١٤٠١, بە تۆمەتی «هاوکاری لەگەڵ گرووپە دژبەرەکانی ڕژیم» بەندکرا. ڕۆژی یەکشەممە ١٩ی خەرمانانی ١٤٠٢، لە دادگای شۆڕشی سنە بە تۆمەتی «بڵاوکردنەوەی بەڵگەی نهێنی» دادگایی کرا.
هەروەها ناوبراو لە کەیسێکی تردا، لە خەزەڵوەری ١٤٠١, سزای سێ ساڵ بەندکرانی بۆ دەرکرا.
