دوو هاووڵاتی خەڵکی گوندی «قەڵاڕەش» سەر بە شاری سەردەشت لەلایەن هێزە ئەمنییەکانی ئەم شارە دەستبەسەرکران و بۆ شوێنێکی نادیار گواسترانەوە.
بەپێی ڕاپۆرتی کۆڵبەرنیوز ڕۆژی سێشەمە ١٨ی گوڵانی ١٤٠٣، دوو هاووڵاتی خەڵکی شاری سەردەشت لەلایەن هێزە ئەمنییەکانەوە دەستبەسەرکران. ناسنامەی ئەم دوو هاووڵاتیە «زانکۆ ئێران زادە» ٣٢ ساڵ تەمەن و «عومەر شەریف پوور» ٢٣ ساڵ تەمەن، هەردوو خەڵکی گوندی «قەڵاڕەش» سەربە شاری سەردەشت بۆ کۆڵبەرنیوز ڕاگەیەندراوە.
بەپێی ئەم ڕاپۆرتە، هێزە ئەمنییەکان لە کاتژمێر چواری بەیانی بەبێ بڕیاری دادگا ئەم هاووڵاتیانە دەستبەسەرکران.
تا کاتی نووسینی ئەم ڕاپۆرتە لە هۆکارەکانی دەستبەسەری، شوێنی مانەوە و تۆمەتەکانی دژی ئەم هاووڵاتیانە هیچ زانیاری بەردەست نییە.
