لە ئەنجامی تەقەی هێزەکانی پاسەوانانی سنوور لە هێڵی سنووری هەنگەژاڵی بانە، تازەلاوێکی کۆڵبەر برینداربوو.
بە پێی ڕاپۆرتی کۆڵبەرنیوز، ڕۆژی سێشەممە ١٩ی بەفرانباری ١٤٠٢، تازەلاوێکی١٩ساڵ تەمەن بە ناوی”یووسێف چووپانی” خەڵکی گوندی گەورەقەڵای سەر بە سەقز، بە گوللەی کڵاشینکۆفی پاسەوانانی سنووری ڕژێم لاقی برینداربووە.
پێشتر کۆڵبەرنیوز کوژرانی چەندین کۆڵبەری لە ڕێکەوتەکانی١٨،١٩،٢٠ی بەفرانبار ڕاگەیاندبوو کە ناسناویان بریتیە لە:(میرزا ئەحمەدی)٤٣ساڵ تەمەن کە سەرلەبەیانی چوارشەممە٢٠بەفرانبار لە سنووری بانە بە تەقەێ ڕاستەوخۆی هێزەکانی سەرسنوور کوژرابوو و (ئەمیر ئێلاهی)٢٥ساڵ تەمەن کە ڕۆژی دووشەممە١٨ی بەفرانبار بەتەقەی ڕاستەوخۆی هێزەکانی سەرسنوور لە سنووری نەوسوود کوژرابوو.
بە پشتبەستن بە ئاماری لە ساڵی ٢٠٢٣ زایینی لە کۆڵبەرنیوز تۆمارکران، بە گشتی ٢٩٩ کۆڵبەر لە ناوچە سنوورییەکان و ڕێگای نێوان پارێزگاکانی ئازەربایجانی ڕۆژئاوا، کوردستان و کرماشان بە هۆکارەکانی وەک تەقەی ڕاستەوخۆی هێزە سەربازیەکانی ڕژێم، بەفربارین و بەستەڵەک گیانیان لەدەستداوە، هەنگاونان بەسەر مین، کەوتنە خوارەوە لە شاخ و بەرزایی و حاڵەتەکانی دیکە کوژران و بریندارن. لەم کۆی گشتییە ٣٢ کۆڵبەر (١١%) کوژران و ٢٦٧ کۆڵبەر (٨٩%) بریندارن، لە کۆی گشتی ٢٩٩ کۆلبەر کە کوژران و بریندارن، ٢٦١ حاڵەت (٨٧%) بەهۆی تەقەی ڕاستەوخۆی هێزە سەربازییەکان بووە. هەروەها ٣٠ کەسیان منداڵی خوار ١٨ ساڵن.
